ഉറങ്ങിക്കിടക്കുമ്പോള്‍ ഈച്ച വായില്‍ കയറുന്ന അനുഭവം പലര്‍ക്കുമുണ്ടായിട്ടുണ്ട്. എന്നാല്‍ ഉറങ്ങിക്കിടക്കുമ്പോള്‍ പാമ്പ് വായില്‍ കയറിയാല്‍ എന്താകും അവസ്ഥ.
എന്നാല്‍ ഇങ്ങനെയൊരു സംഭവം യഥാര്‍ഥത്തില്‍ നടന്നതിന്റെ വാര്‍ത്തകളാണ് ഇപ്പോള്‍ പുറത്തു വരുന്നത്. റഷ്യയിലാണ് സംഭവം.
ഉറങ്ങുമ്പോള്‍ യുവതിയുടെ വായിലൂടെ ശരീരത്തില്‍ കയറിയിരിക്കുകയാണ് നാലടി നീളമുള്ള പാമ്പ്. ശസ്ത്രക്രിയയിലൂടെയാണ് പാമ്പിനെ പുറത്തെടുത്തത്.
ഓപ്പറേഷന്‍ തീയറ്ററില്‍ ശസ്ത്രക്രിയയിലൂടെ പാമ്പിനെ പുറത്തെടുക്കുന്ന ദൃശ്യങ്ങള്‍ വ്യാപകമായാണ് പ്രചരിക്കുന്നത്. വായിലൂടെ തൊണ്ട വരെയാണ് പാമ്പ് പോയത്.
ശസ്ത്രക്രിയ ഉപകരണങ്ങള്‍ ഉപയോഗിച്ച് വനിതാ ഡോക്ടറാണ് അബോധാവസ്ഥയിലായ യുവതിയുടെ വായില്‍ നിന്ന് പാമ്പിനെ പുറത്തെടുത്തത്.
11 സെക്കന്‍ഡുള്ള വീഡിയോ സോഷ്യല്‍മീഡിയയില്‍ അടക്കം വ്യാപകമായാണ് പ്രചരിക്കുന്നത്. യുവതിക്ക് എന്തുസംഭവിച്ചു എന്നതിനെക്കുറിച്ച് വിവരം ലഭ്യമല്ല.
